Fiesch nach Flims

Mitem Airbuddy Dani unterwägs
Min Ersti 100km Yesss

So Abfahrt mitem Auto Richtig Landeplatz 6.15 Uhr.
Schwyz Abfahrt 7.01 Uhr denn Umstiege in Erstfeld, Guet sowit.
Denn chont doch dr Börner im Zug Richitg Göschene. Abfahrt 7.37 Uhr.... Hehe Abfahrt?? Nachere gfühlte halbe Stund esch de Tatsächlech de Zug immer no blibe stoh. Was esch au los... Tatsächlech kei Zugfüehrer dinne, Häää beni im Falsche Film??
Zug usgfalle denn halt wenn de Herr oder Dame verpennt gits halt de Zug 1h spöter.
De rest nach Fiesch esch de weder Planmässig gloffe oder zumindest nach Fahrplan :-P
Dobe entläre, die Warme Sache ahzieh und Startbereit mache.
Start super gange ab in Schluch und in 6min scho ah de Basis, das verspricht ja viel höt, yes
Bis zum Sidelhorn prima gange meistens ah de Basis womer häre ghöre
Grimsel eher Nord öberquert und dört weder super ufe gange. Ab an Rhonegletscher Richtig Furkapass dasmal esch de Dani vorus gange.
Hinde bim Tätsch simmer rächt tüüf gsi bi mir esches zum Glück besser gange dasi weder dobe ah de Krete gsi bin. Zäme simmer de Richtig Andermatt öbere an Windräder. Hinde drah esch de rächt Post abgange bis mir de weder gnueg höchi gha händ für de letzti Pass Nr. 3 für höt.
Gschafft... Mir sind im Graubünde so genial es het bis do häre glängt scho mal. Richtig Schwyz oder doch Chur? Wolke säge beides und so dänke mir das Richtig Chur die besser Wahl esch für üs. Bim Piz Glivers Dadens simmer de weder tüüf gsi... Schlüsselstell warschindli?? Total Neuland für eus beidi. Geduld esch immer guet beidi weder ah de Basis obe.
100km bald in Sicht, Flims kurz vorem Crap Sogn Gion ändli mis Saisonzeil 2018 --->100km erreicht.
Am Egge bim Trin Mulin plötzlech Vollgas Talwind vo Chur här, no Way vorwärts und leider au viel ztüüf.
Landeplatz bim grosse Fäld hinde drah, turbulänt aber zhinderscht einigermasse ok für zum Lande.
Nach knapp 5h simmer Safe mit riisige Smiles glandet.

Heifahrt danke mir am Rene und am Jonas wo üs 2 mitgnoh händ fast hei, es riiise Dankeschön Jungs